Í gær var birt skemmtileg mynd sem sýnir hvernig enska úrvalsdeildin liti út ef hver leikur væri aðeins 45 mínútur í stað 90 mínútna.
Deildin væri talsvert jafnari en hún er núna, með talsvert meira af jafnteflum. Þá væri staðan allt öðruvísi og Liverpool aðeins með þriggja stiga forystu á toppnum, á undan Aston Villa og Manchester United.
Því miður fyrir síðastnefndu félögin eru þau með talsvert færri stig eftir 90 mínútur heldur en eftir 45. Í raunveruleikanum eru Rauðu djöflarnir um miðja deild, þremur stigum fyrir ofan nýliða Villa.
Manchester City væri í fjórða sæti fyrir leikhlé, með Chelsea, Tottenham og Everton í næstu sætum fyrir neðan. Leicester væri í níunda sæti og Arsenal í ellefta.
If all PL matches finished at half time this season from r/soccer
Athugasemdir