Höfuðstöðvar Sýnar við Suðurlandsbraut.
Sjónvarpsfyrirtækið Sýn og ÍTF hafa undirritað samning um eins árs framlengingu á sýningarrétti frá Bestu deild karla og Bestu deild kvenna til loka ársins 2027.
Í fréttatilkynningu segir að framlengingin tryggi órofið samstarf aðila á meðan viðræður um nýjan langtímasamning haldi áfram.
Í fréttatilkynningu segir að framlengingin tryggi órofið samstarf aðila á meðan viðræður um nýjan langtímasamning haldi áfram.
Þar er einnig sagt að deildirnar hafi tekið umtalsverðum framförum, áhorfendum á völlum fjölgað og staða íslenskra félagsliða á styrkleikalista UEFA styrkst.
„Bestu deildirnar skipa veigamikinn sess í dagskrá Sýnar Sports og samningurinn er mikilvægur áfangi í löngu og farsælu samstarfi Sýnar og íslenskrar knattspyrnu," segir Eiríkur Stefán Ásgeirsson, íþróttastjóri Sýnar.
Gummi Ben er andlit umfjöllunar Sýnar um íslenska boltann.
Helena Ólafsdóttir og Mist Rúnarsdóttir hafa verið leiðandi í umfjöllun um Bestu deild kvenna.
