Matthías Guðmundsson þjálfari Vals var svekktur með úrslitin
Heppnin var svo sannarlega ekki með Valskonum í Kópavogi í kvöld þegar ríkjandi Íslandsmeistarar skoruðu tvö mörk í uppbótartíma og sendi Val með skottið á milli lappanna aftur til Reykjavíkur með 2-3 tap.
„Við lögðum líf og sál í þetta en fótboltinn er brútal. Það vita allir sem hafa verið lengi í honum", sagði Matthías Guðmundsson þjálfari Vals eftir leik.
„Við lögðum líf og sál í þetta en fótboltinn er brútal. Það vita allir sem hafa verið lengi í honum", sagði Matthías Guðmundsson þjálfari Vals eftir leik.
Lestu um leikinn: Breiðablik 3 - 2 Valur
Valur spilaði manni færri frá 18. mínútu leiks þegar Hrafnhildur Salka Pálmadóttir fékk að líta rauða spjaldið fyrir hártog. Sá Matthías atvikið?
„Mér skilst að hún (Hrafnhildur Salka) hafi tosað í hárið á henni (Barabára Sól) en hún ætlaði sér ekki að gera það."
En var þetta besta frammistaða Vals það sem af er móti þrátt fyrir úrslit?
„Mér finnst þetta bara í tröppugangnum. Byrjuðum mótið á erfiðum leik þar sem taugarnar voru þandar en lifðum af og fengum sigur. Spiluðum slæman fyrri hálfleik á móti Stjörnunni en góðan seinni hálfleik. Mér fannst við spila góðan leik á móti ÍBV og svo er þetta bara næsta trappa".
Er Matti búinn að sjá sigumarkið hjá Blikum?
„Ekki í sjónvarpinu en jú ég sá það. Það var bara sárt mark og þær (Breiðablik) fengu trúna á þessum þremur fjórum mínútum. Enn og aftur stoltur af mínum konum".
