Franski bakvörðurinn Ferland Mendy fór í vel heppnaða aðgerð í dag eftir að hafa meiðst aftan á læri í leik Real Madrid gegn Espanyol fyrir rúmri viku.
Í fyrstu var talið að Mendy, sem hefur verið að glíma við sífellt erfiðari meiðsli síðustu árin, yrði frá keppni í fimm mánuði en svo var greint frá því í spænskum fjölmiðlum að meiðslin væru verri en virtist við fyrstu sýn.
Einhverjir miðlar greindu frá því að Mendy, sem verður 31 árs í sumar, væri að íhuga að leggja skóna á hilluna.
Eftir að hafa rætt við heimildarmenn sem eru nákomnir bakverðinum segir Fabrizio Romano fregnirnar vera ósannar. Mendy hafi á engum tímapunkti skoðað að leggja skóna á hilluna.
Líklegt er að Mendy verði frá keppni í eitt ár vegna meiðslanna.
07.05.2026 18:55
Mendy lengur frá en talið var í fyrstu - Íhugar að leggja skóna á hilluna
