Martin O'Neill.
Bráðabirgðastjórinn Martin O'Neill stýrir skoska liðinu Celtic í síðasta sinn á miðvikudaginn, í deildarleik gegn Dundee.
Wilfried Nancy tekur svo við Celtic og stýrir liðinu gegn Hearts á sunnudaginn.
Wilfried Nancy tekur svo við Celtic og stýrir liðinu gegn Hearts á sunnudaginn.
Celtic hefur unnið sex af sjö leikjum síðan O'Neill tók við til bráðabirgða eftir að Brendan Rodgers sagði óvænt upp.
Ef Celtic vinnur Dundee og Hearts vinnur Kilmarnock á miðvikudaginn gæti Nancy komið Celtic á topp deildarinnar með sigri í fyrsta leik sínum með stjórnartaumana.
Nancy er 48 ára Frakki og hefur á síðustu árum orðið MLS-meistari og unnið deildarbikarinn með Columbus Crew. Þá var hann kjörinn stjóri ársins í bandarísku deildinni.
Celtic sér líkindi með Wilfried Nancy og Ange Postecoglou, fyrrum stjóra félagsins en hann er í miklum metum hjá Celtic.
Wilfried Nancy.
Athugasemdir
