Arne Slot þjálfari Liverpool var spurður út í ákvörðun sína að bekkja Mohamed Salah fyrir útileik gegn West Ham United í ensku úrvalsdeildinni sem hefst skömmu eftir klukkan 14:00 í dag.
Slot skilur ekki undrun fréttamanna og bendir á að þetta sé ekki í fyrsta sinn sem hann hvílir Salah þegar er mikið leikjaálag.
Alexander Isak og Florian Wirtz eru í byrjunarliðinu og situr Salah á bekknum með Hugo Ekitike.
„Við spilum fjóra leiki á tíu dögum," sagði Slot rétt í þessu. „Stundum er Alex (ander Isak) á bekknum og stundum Florian (Wirtz).
„Þetta eru þeir ellefu leikmenn sem ég valdi í dag og þetta er aldrei auðveld ákvörðun að taka. Þetta er ekki í fyrsta sinn sem ég geri þetta."
Salah byrjaði á bekknum í stórsigri Liverpool gegn Eintracht Frankfurt í Meistaradeildinni fyrir rétt rúmum mánuði síðan. Hann byrjaði einnig á bekknum í 1-0 tapi gegn Galatasaray í lok september.
30.11.2025 13:25
Byrjunarlið dagsins: Salah bekkjaður
Athugasemdir
