Eddie Howe var að vonum ánægður eftir frábæran 4-1 sigur Newcastle gegn Everton á útivelli en þetta var fyrsti sigur liðsins á útivelli á tímabilinu.
„Þetta var risastór sigur fyrir okkur, fyrsti útisigurinn á tímabilinu. Við höfum verið að eltast við þennan sigur og það hefur verið erfitt hingað til en þetta var stór stund í dag," sagði Howe.
Howe fagnaði sigrinum á 48 ára afmælisdaginn sinn.
„Ég er ekki ánægður með að vera 48 ára, það er klárt. En ég get notið augnabliksins og dagsins, þetta er mjög mikilvægur sigur fyrir okkur."
Athugasemdir
