Vilja Anderson frekar en Wharton - Napoli á eftir Mainoo - Atlético í baráttuna um Guehi
   lau 29. nóvember 2025 22:25
Jóhann Þór Hólmgrímsson
Danijel lagði upp dramatískt jöfnunarmark
Mynd: Fótbolti.net - Hafliði Breiðfjörð
Mynd: Hearts
Danijel Dejan Djuric lagði upp í dramatísku 1-1 jafntefli Istra 1961 gegn Slaven Belupo í króatísku deildinni í kvöld.

Danijel byrjaði á bekknum en Logi Hrafn Róbertsson var í byrjunarliðinu. Slaven Belupo var með 1-0 forystu í hálfleiik. Danijel kom inn á eftir klukkutíma leik en Logi tekinn af velli á 77. mínútu.

Þegar þrjár mínútur voru komnar fram yfir venjulegan leiktima lagði Danijel upp mark á Smail Prevljak og lokatölur urðu 1-1. Istra er í 5. sæti með 20 stig eftir 15 umferðir.

Breki Baldursson kom inn á sem varamaður þegar Esbjerg vann Hvidovre 3-1 í næst efstu deild í Danmörku. Esbjerg er í 4. sætimeð 29 stig eftir 18 umferðir.

Benony Breki Andrésson spilaði fyrri hálfleikinn í 1-1 jafntefli Stockport gegn Barnsley í ensku C-deildinni. Stockport er í 5. sæti með 29 stig eftir 17 umferðir.

Jón Dagur Þorsteinsson var ónotaður varamaður þegar Hertha Berlin vann Holstein Kiel 1-0 í næst efstu deild í Þýskalandi. Greuther Furth tapaði 3-0 gegn Bochum en Brynjar Ingi Bjarnason er fjarverandi vegna meiðsla. Hertha er í 5. sæti með 26 stig eftir 14 umferðir, Greuther Furth er í 16. sæti með 13 stig.

Lúkas Petersson var í markinu hjá varaliði Hoffenheim sem tapaði 3-2 gegn Ingolstadt í 3. deild. Hoffenheim er í 7. sæti með 24 stig eftir 16 umferðir.

Tómas Bent Magnússon kom inná í markalausu jafntefli Hearts gegn Motherwell í skosku deildinni. Liðið hefur aðeins nælt í tvö stig í síðustu þremur leikjum. Hearts er á toppnum með 31 stig eftir 14 umferðir, liðið er fimm stigum á undan Celtic sem á tvo leiki til góða.

Hjörtur Hermannsson var í byrjunarliði Volos sem vann OFI Crete 1-0 í grísku deildinni. Volos er í 5. sæti með 21 stig eftir 12 umferðir.

Davíð Kristján Ólafsson kom inn á undir lokin þegar Cracovia vann kærkominn 1-0 sigur gegn Korona Kielce í pólsku deildinni. Liðið hafði ekki unnið í fjórum leikjum í röð fyrir þennan leik. Liðið er í 5. sæti með 25 stig eftir 16 umferðir.

Andri Fannar Baldursson var í byrjunarliði Kasimpasa sem tapaði 3-1 gegn Basaksehir. Kasimpasa er í 14. sæti með 13 stig eftir 14 umferðir.

Nökkvi Þeyr Þórisson kom inn á undir lokin þegar Sparta Rotterdam tapaði 3-1 gegn NEC Nijmegen í hollensku deildinni. Sparta er í 11. sæti með 17 stig eftir 14 umferðir.
Athugasemdir
banner