Andreas Hountondji kom St. Pauli óvænt yfir eftir mistök Joshua Kimmich og Konrad Laimer sem töpuðu boltanum á vondum stað áður en Hountondji skoraði.

Portúgalinn Raphael Guerreiro jafnaði metin áður en hálfleikurinn var úti eftir undirbúning Luis Díaz.

Harry Kane, sem hefur verið iðinn við kolann í byrjun leiktíðar, komst ekki á blað annan leikinn í röð í öllum keppnum.

Það kom ekki að sök. Í uppbótartíma skoraði Luis Díaz til að koma Bayern í 2-1 áður en varamaðurinn Nicolas Jackson gerði út um leikinn nokkrum mínútum síðar og Bayern með átta stiga forystu á toppnum.

Ísak Bergmann Jóhannesson byrjaði hjá Köln sem gerði 1-1 jafntefli við Werder Bremen á útivelli.

Hann spilaði fyrri hálfleikinn en Bremen leiddi þá með einu marki gegn engu. Hinn 19 ára gamli Said El Mala jafnaði metin undir lok leiksins fyrir Köln sem er í 9. sæti með 15 stig.

Hoffenheim vann 3-0 sigur á Augsburg og þá tókst Heidenheim að vinna ótrúlegan 2-1 endurkomusigur á Union Berlín, en bæði mörk Heidenheim komu á lokamínútum leiksins.

Hoffenheim 3 - 0 Augsburg
1-0 Bazoumana Toure ('16 )
2-0 Wouter Burger ('26 )
3-0 Cedric Zesiger ('45 , sjálfsmark)

Union Berlin 1 - 2 Heidenheim
1-0 Rani Khedira ('43 )
1-1 Jan Schoppner ('90 )
1-2 Stefan Schimmer ('90 )

Werder 1 - 1 Koln
1-0 Marco Friedl ('22 )
1-1 Said El Mala ('90 )
Rautt spjald: Niklas Stark, Werder ('90)

Bayern 3 - 1 St. Pauli
0-1 Andreas Hountondji ('6 )
1-1 Raphael Guerreiro ('44 )
2-1 Luis Diaz ('90 )
3-1 Nicolas Jackson ('90 )