Brann spilar í Sambandsdeildinni á næstu leiktíð en það varð ljóst eftir lokaumferðina í norsku deildinni í kvöld.
Brann mætti HamKam en Eggert Aron Guðmundsson og Sævar Atli Magnússon voru báðir fjarverandi vegna meiðsla. Freyr Alexandersson er þjálfari liðsins. Viðar Ari Jónsson er leikmaður HamKam
Brann mætti HamKam en Eggert Aron Guðmundsson og Sævar Atli Magnússon voru báðir fjarverandi vegna meiðsla. Freyr Alexandersson er þjálfari liðsins. Viðar Ari Jónsson er leikmaður HamKam
HamKam komst yfir snemma leiks en Brann svaraði með þremur mörkum og lokatölur því 3-1. Brann endar í 4. sæti en átti möguleika á 3. sæti og þar með Evrópudeildarsæti en Tromsö lagði Rosenborg og tryggði sér 3. sætið.
HIlmir Rafn MIkaelsson er norskur meistari með Viking en liðið vann baráttuna gegn Bodö/Glimt með einu stigi. Bodö/Glimt var talið sigurstranglegasta liðið fyrir mót.
Stefán Ingi Sigurðarson var í byrjunarliði Sandefjord sem vann KFUM Oslo 2-0. Liðið hafnaði í 5. sæti átta stigum á eftir Brann. Stefán Ingi hefur verið orðaður í burtu frá Sandefjord.
Sveinn Aron Guðjohnsen var ekki í leikmannahópi Sarspborg sem vann Molde 1-0. Sarpsborg fór upp fyrir Molde í 9. sæti með sigrinum.
Athugasemdir
