Stuttgart vann fjögurra marka stórsigur á útivelli gegn Go Ahead Eagles þegar liðin mættust í Evrópudeildinni í gærkvöldi.
Angelo Stiller átti góðan leik og var staðan 0-3 fyrir Stuttgart þegar Svíinn Victor Edvardsen kom inn af bekknum. Hann byrjaði á því að brjóta á Stiller og gera grín að honum fyrir að vera með skarð í vör og stórt nef.
Leikmenn Stuttgart brugðust illa við því og kom næstum til handalögmála en dómaranum tókst að róa leikmenn niður. Hann gaf Edvardsen gult spjald fyrir óíþróttamannslega hegðun og hélt viðureignin áfram.
Edvardsen fékk mikla gagnrýni fyrir hegðun sína og baðst afsökunar að leikslokum, auk þess að vera sektaður um 500 evrur af félaginu sínu sem renna til góðgerðarmála.
„Ég vil biðjast afsökunar fyrir hegðun mína í síðasta leik. Hlutir gerðust og voru sagðir á milli okkar sem eiga ekki heima á fótboltavelli. Eftir leikinn fór ég í búningsklefa Stuttgart til að biðjast afsökunar," segir í tilkynningu frá Edvardsen.
„Ég er fyrirmynd fyrir aðra og ber að hegða mér samkvæmt því."
Stiller er 24 ára landsliðsmaður Þýskalands sem ólst upp hjá FC Bayern áður en hann skipti til Hoffenheim og síðar til Stuttgart.
Ýmis stór nöfn innan fótboltaheimsins hafa tjáð sig um málið og eru sammála um að vilja ekki sjá svona hegðun á fótboltavellinum.
Victor Edvardsen (Deventer Go Ahead Eagles) is seen mocking nose deformity and cleft lip of Angelo Stiller (VfB Stuttgart).
byu/schnodda insoccer
Athugasemdir
