Það gekk mikið á í jafntefli Chelsea og Arsenal á Stamford Bridge. Moises Caicedo fékk að líta rauða spjaldið og Enzo Maresca segir að Piero Hincapie hafi einnig átt skilið að fá rautt spjald.
Caicedo var rekinn af velli undir lok fyrri hálfleiks fyrir að fara harkalega í ökklann á Mikel Merino. Hincapie fékk gult spjald stuttu síðar fyrir að gefa Trevoh Chalobah olnbogaskot og það sást vel á Chalobah á eftir.
Caicedo var rekinn af velli undir lok fyrri hálfleiks fyrir að fara harkalega í ökklann á Mikel Merino. Hincapie fékk gult spjald stuttu síðar fyrir að gefa Trevoh Chalobah olnbogaskot og það sást vel á Chalobah á eftir.
„Ég á erfitt með að átta mig á því hvers vegna þeir dæma þetta öðruvísi. Chalobah er með glóðarauga. Moises átti að fá rautt spjald en Rodrigo Bentancur átti líka að fá rautt þegar við mættum Spurs, þess vegna skil ég þetta ekki," sagði Maresca.
„Við vorum betra liðið 11 á móti 11. Við stjórnuðum leiknum og sköpuðum færi. Rauða spjaldið breytti þessu svolítið en það var frábært hvernig leikmennirnir brugðust við því."
Athugasemdir
