Andoni Iraola, stjóri Bournemouth, var brjálaður út í Tim Robinson dómara eftir tap liðsins gegn Sunderland í dag.
Amine Adli og Tyler Adams sáu til þess að Bournemouth náði tveggja marka forystu en Enzo Le Fee minnkaði muninn með marki úr vítaspyrnu eftir hálftíma leik.
Amine Adli og Tyler Adams sáu til þess að Bournemouth náði tveggja marka forystu en Enzo Le Fee minnkaði muninn með marki úr vítaspyrnu eftir hálftíma leik.
„Ég tel að það hafi verið brotið á Tavernier fimm sekúndum áður. Það er ýtt í bakið á honum, augljóst brot. Ef þú ætlar ekki að dæma á það getur þú ekki dæmt vítið. Það var stórt augnablik í leiknum en eftir það missti hann stjórn á leiknum," sagði Iraola.
„Ég er svekktur með okkur því við vörðumst ekki föstumleikatriðum. Ég er einnig svekktur með dómarann því hann missti algjöra stjórn á leiknum."
Liðið fékk fimm gul spjöld og Lewis Cook fékk rautt spjald undir lokin. Cook verður í banni gegn Everton í næstu umferð ásamt Marcos Senesi og David Brooks.
Athugasemdir
