Antonio Conte fráfarandi þjálfari Napoli hefur verið sterklega orðaður við landsliðsþjálfarastarfið hjá Ítalíu að undanförnu en hann neitar fyrir þær sögusagnir.
Conte spyr sig hvort ítalska landsliðið sé tilbúið að ráða topp þjálfara en Gennaro Gattuso, Luciano Spalletti og Roberto Mancini eru síðustu þrír landsliðsþjálfararnir.
„Það hafa ekki verið nein samskipti á milli mín og ítalska landsliðsins. Gjörsamlega engin. Það útilokar ekki að það verði einhver samskipti í framtíðinni," segir Conte sem stýrði Ítalíu á EM 2016. Þar gerðu Ítalir mjög gott mót og voru óheppnir að detta úr leik gegn Þýskalandi eftir vítaspyrnukeppni.
„Það er ekki einu sinni búið að kjósa um nýjan forseta fótboltasambandsins... er ítalska landsliðið tilbúið að ráða topp þjálfara? Ég heyrði eitthvað um Pep Guardiola í fjölmiðlum.
„Ef ég fengi að ráða þá myndi ég velja Pep... en býr ítalska fótboltsambandið yfir þeim fjárhæðum sem þarf til að láta það rætast? Það er of snemmt að segja.
„Ég er allavega ekki kominn með neitt samkomulag við neinn."
19.05.2026 11:05
Líklegt að Conte hætti hjá Napoli og taki við Ítalíu
