Spánn fékk sterkt lið Bosníu og Hersegóvínu í heimsókn í vináttulandsleik fyrr í kvöld.

Bosnía er með hörku lið og vann riðil sinn í B-deild Þjóðadeildarinnar, sem veitir þátttökurétt í A-deildina.

Fyrri hálfleikurinn var bragðdaufur en heimamenn tóku alla stjórn á leiknum eftir leikhlé og verðskulduðu sigurinn að lokum.

Brais Mendez kom inn af bekknum gerði eina mark leiksins á 78. mínútu þegar hann fylgdi eftir skoti frá Isco. Mendez er 21 árs miðjumaður Celta Vigo og var þetta hans fyrsti A-landsleikur.

Leiknum lauk því með 1-0 sigri Spánverja þrátt fyrir að Luis Enrique hafi prófað marga leikmenn.