Gylfi Þór Sigurðsson var á skotskónum þegar Everton tapaði fyrir Southampton í ensku úrvalsdeildinni.
Gylfi hefur verið einn af ljósu punktunum í leik Everton á þessu tímabili.
Hann minnkaði muninn í 2-1 þegar lítið var eftir af leiknum. Smelltu hér til að sjá mark Gylfa í dag.
Þetta var 55. mark Gylfa í ensku úrvalsdeildinni, en auk Everton hefur hann leikið með Swansea og Tottenham í deildinni. Hann er nú markahæsti Íslendingurinn í sögu deildarinnar, ásamt Eiði Smára Guðjohnsen.
Eiður Smári lék með Chelsea, Tottenham, Stoke og Fulham í ensku úrvalsdeildinni á sínum tíma.
Gylfi er 29 ára og á nú líklegast eftir að taka fram úr Eiði.
⚽ Gylfi Sigurdsson has netted his 55th PL goal, becoming the joint-highest Icelandic scorer in the competition along with Eidur Gudjohnsen 🇮🇸 👏 pic.twitter.com/xV93nYr1VJ
— Sky Sports Statto (@SkySportsStatto) January 19, 2019
Athugasemdir