Brynjar Óli Bjarnason skoraði tvennu í fjörugum sigri B71 gegn EB/Streymur í næstefstu deild í Færeyjum í dag.
B71 stóð uppi sem sigurvegari í sjö marka leik og er með fjögur stig eftir fyrstu tvær umferðirnar.
Þrjú lið eru jöfn á stigum á toppi deildarinnar eftir tvær umferðir en B71 er í þriðja sæti á markatölu.
Brynjar og félagar ætla sér að komast upp í efstu deild þar sem er að finna tvo íslenska þjálfara og Brynjar Hlöðversson leikmann HB.
Brynjar Óli er fæddur 1998 og lék 13 leiki fyrir ÍR í Inkasso-deildinni síðasta sumar. Hann spilar undir stjórn Heiðars Birnis Þorleifssonar sem þjálfari B71.
Athugasemdir