Í dag rennum við í Borgarnes og skoðum stemninguna hjá Skallagrími sem hefur byrjað vel í 3.deildinni í sumar. Högni Haraldsson fyrirliði liðsins svaraði nokkrum spurningum.

Hvernig er stemningin hjá Skallagrími þessa dagana? Stemningin er frábær, 9 stig eftir fyrstu 3 leikina og við erum bara rétt að byrja !

Ertu sáttur við byrjun ykkar í sumar? Frekar sáttur...við eigum enþá eftir að bæta okkar leik, eigum meira inni

Er mikill fótboltaáhugi í Borgarnesi? Get ekki sagt það, þetta hefur alltaf verið meiri körfuboltabær, en núna er tími til kominn að rífa upp stemninguna fyrir fótboltanum þar sem karfan er í ”lægð”

Var ekki gífurlega svekkjandi að detta út úr bikarnum eftir hörkuleik við Hauka? Jú vissulega..draumurinn hjá okkur var að komast í 32-liða úrslitin og mæta þar ÍA. En það munaði einhverjum 30 – 60 sekúndum.

Er liðið mikið breytt frá því í fyrra? Já það er óhætt að segja það. Við missum þjálfarann og besta leikmann okkar frá síðasta sumri, Jakob Hallgeirsson ásamt nánast öllu byrjunarliðinu. Í byrjunarliðinu eins og það hefur verið í fyrstu leikjunum eru held ég 2 sem voru í fyrra, en það kemur alltaf maður í manns stað og þetta lýtur ágætlega vel út þessa dagana, þrátt fyrir meiðsli 2-3 lykilmanna.

Hver er helsti styrkleiki ykkar? Sterk liðsheild og góður baráttuandi. Við spilum kannski ekki fallegasta fótboltann og maður hefur heyrt á andstæðingum okkar í síðustu leikjum að við kýlum boltanum alltaf fram, en svo lengi sem það skilar 3 stigum í hús þá erum við sáttir.

Hver eru markmið ykkar fyrir sumarið? Okkar markmið er fyrst og fremst að komast í úrslitakeppnina, við áttum frábært tímabil í fyrra, fyrir utan einn leik og það var leikurinn á móti Hömrunum/Vinum í úrslitaleik um sæti í 2.deild á heimavelli, mjög svekkjandi.

Hvaða lið telur þú að sé sigurstranglegast í 3.deildinni í sumar? Hef nú ekki kynnt mér mikið hina riðlana, en hef heyrt að Dalvík / Reynir séu sterkir þarna fyrir norðan ásamt Völsungi. Annars veit maður ekki hvað lið einsog Berserkir og KV gera, þeim var spáð velgengni, það er bara spurning hvort þeir höndli pressuna að vera spáð ofarlega...
Eitthvað að lokum? Vill bara hvetja fólk í Borgarnesi að mæta á völlinn og ef fólk á vesturlandi vill sjá sigra, þá er bara spurning að fara mæta upp í Borgarnes, því eithvað eru sigrarnir orðnir fáir sithvoru megin við Borgarnes :)

1.deild:
Fjarðabyggð (10.júní)
ÍR (29.maí)
KA (15.maí)
Leiknir R. (29.maí)
Víkingur Ólafsvík (26.mars)
Þór (15.maí)

2.deild:
BÍ/Bolungarvík (29.apríl)
Hamar (21.apríl)
ÍH/HV (17.apríl)
Reynir Sandgerði (3.apríl)
Víðir Garði (21.maí)

3.deild:
Árborg (14.maí)
Berserkir (1.maí)
Draupnir (25.mars)
Einherji (16.apríl)
Huginn (29.maí)
KFG (10.júní)
KFK (20.maí)
KFR (31.mars)
KFS (30.apríl)
Léttir (8.maí)