Sky segir að Upamecano sé búinn að samþykkja nýjan samning til 2022, sem framlengir núgilgandi samning hans um eitt ár. Gera má ráð fyrir því að nýr samningur hans verði með riftunarverði fyrir sumarið 2021.

Upamecano, sem er aðeins 21 árs, hefur verið orðaður við stærstu félög Evrópu og má þar til að mynda nefna Arsenal, Real Madrid, Paris Saint-Germain, Manchester City og United. Og auðvitað Bayern München. Hann kom til Leipzig árið 2017 frá Red Bull Salzburg.

Áður en hlé var gert á þýsku úrvalsdeildinni vegna kórónuveirufaraldursins var Bayern á toppi þýsku deildarinnar með fjögurra stiga forskot. Leipzig var í þriðja sæti með fimm stigum minna en stórveldið frá München.

Forráðamenn þýsku úrvalsdeildarinnar höfðu vonast til að byrja aftur 9. maí, en nú er það ljóst að það mun ekki gerast.