Tottenham Hotspur tapaði rétt í þessu fyrir Bayern München í riðlakeppni Meistaradeildarinnar.
Þetta var ekkert venjulegt tap, heldur fengu heimamenn sjö mörk á sig í leiknum. Serge Gnabry, fyrrum leikmaður Arsenal, skoraði fjögur þeirra.
Sigur Bayern er sögulegur vegna þess að þetta er í fyrsta sinn sem erlent lið skorar sjö mörk á heimavelli Tottenham.
Tottenham hefur ekki farið sérlega vel af stað í Meistaradeildinni eftir að hafa hreppt silfurverðlaun í fyrra. Liðið gerði 2-2 jafntefli við Olympiakos í fyrstu umferð og á næst leik við Rauðu stjörnuna.
This is the first time @SpursOfficial have conceded 7 goals at home in any competition ever.
— Gary Lineker (@GaryLineker) October 1, 2019
Athugasemdir