„Richarlison sneri ökkla, það er ekki svo slæmt. Við þurfum að sjá til með meiðslin hjá Allan og Jonjoe. Richarlison gæti verið klár á laugardag. Það er snúnara með Allan og Kenny," segir Carlo Ancelotti, stjóri Everton.

Everton mætir Brighton á Goodison Park á laugardag en liðið vonast til að halda áfram á sigurbraut. Everton hefur unnið alla þrjá leiki sína.

Allan, sem er 29 ára Brasilíumaður, kom til Everton frá Napoli í sumar og hefur farið virkilega vel af stað í nýju félagi.