Aaron Wan-Bissaka, leikmaður Manchester United á Englandi, hefur ákveðið að draga sig úr enska landsliðshópnum fyrir komandi leiki í undakeppni Evrópumótsins.
Wan-Bissaka, sem er 21 árs gamall, hefði getað spilað sinn fyrsta leik fyrir enska landsliðið en liðið mætir Búlgaríu og Kósóvó í undankeppni EM.
Hann samdi við Manchester United í sumar og er að berjast um stöðu við Trent Alexander-Arnold í enska landsliðinu en svo virðist sem hann þurfi að bíða eftir tækifæri sínu aðeins lengur.
Hann meiddist á æfingu enska landsliðsins og var sendur strax á æfingasvæði Manchester United til aðhlynningar en hann meiddist í baki.
Wan-Bissaka missir af báðum landsleikjunum og þá gæti hann misst af leik United gegn Leicester eftir landsleikjahléið.
Athugasemdir