Félög þurfa að prófa leikmenn við veirunni reglulega og voru fregnir að berast af þremur sýktum leikmönnum og þremur starfsmönnum í herbúðum Fiorentina.

Fregnirnar berast nokkrum dögum eftir að leikmaður Torino greindist með veiruna. Sýktir einstaklingar hafa verið settir í einangrun á meðan aðrir halda æfingum áfram.

Stefnt er að hefja æfingar með hefðbundnu sniði síðar í maí og vonast Ítalir til að deildin geti farið aftur af stað í júní.

Fjöldi sýktra á Ítalíu fer lækkandi. Rétt tæplega 30 þúsund manns hafa látist þar vegna veirunnar.

Sýktu leikmennirnir hafa ekki verið nafngreindir.