Andy Carroll er í viðræðum um endurkomu til Newcastle. Þetta staðfestir Jim White, sem starfar fyrir Sky Sports og Talksport. White er aðalmaðurinn á gluggadeginum á Sky Sports.
Carroll er félagslaus eftir að samningur hans við West Ham rann út fyrr í sumar.
Andy Carroll er þrítugur og ólst upp hjá Newcastle. Hann var frábær fyrir Newcastle og var keyptur til Liverpool 2011 fyrir 35 milljónir punda. Hann náði sér ekki á strik hjá Liverpool og einkenndist tími hans hjá West Ham eftir það af meiðslum.
Talið er að Newcastle sé að skoða í hversu góðu líkamlegu standi Carroll er í. Hann vill ólmur komast aftur til Newcastle.
Það þarf ekki að klára þessi skipti áður en glugginn lokar klukkan 16 í dag þar sem Carroll er félagslaus.
Can confirm Andy Carroll having talks with former club @NUFC
— Jim White (@JimWhite) August 8, 2019
Smelltu hér til að sjá öll helstu tíðindin á gluggadeginum
Taktu þátt í umræðunni á Twitter með því að nota #fotboltinet
Athugasemdir
