Fjögur mörk voru skoruð þegar Víkingur mætti Þrótti í Reykjavíkurmóti kvenna í gær. Þetta var lokaleikur riðilsins en á föstudagskvöld var ljóst að Fylkir vann A-riðilinn með fullt hús stiga.

Þróttur endaði riðilinn með fjögur stig í 4. sæti á meðan Víkingur krækti í sitt fyrsta og eina stig í gær og endar í 6. sætinu, neðsta sæti riðilsins.

Víkingur komst í 2-0 með mörkum Unnbjargar og Stefaníu en Elísabet og Ólöf svöruðu með tveimur mörkum í seinni hálfleik fyrir Þrótt.

Víkingur leikur í 1. deildinni á komandi leiktíð en Þróttur sigraði Inkasso-deildina á síðustu leiktíð og spilar í Pepsi Max-deildinni á komandi leiktíð.