Erik ten Hag var kátur eftir 2-0 sigur Manchester United gegn Everton í ensku úrvalsdeildinni í dag og svaraði spurningum fréttamanna eftir leik.
Man Utd hafði tapað tveimur deildarleikjum í röð fyrir sigurinn í dag og þarf núna að sigra næstu leiki til að eiga möguleika á að blanda sér í baráttuna um síðasta Meistaradeildarsætið.
„Við þurfum að vinna hvern einasta leik í baráttunni sem við erum og þetta var fínn sigur. Við vorum góðir í ákveðnum þáttum en ekki nógu góðir í öðrum. Við verðum að bæta ákvarðanatökuna, strákarnir verða að læra hvenær er best að hvíla sig eftir að vinna boltann og hvenær er best að sækja hratt," sagði Ten Hag að leikslokum.
„Við þurfum líka að bæta færanýtinguna. Við áttum að skora þrjú eða fjögur mörk, ekki bara úr tveimur vítaspyrnum. Annars er ég ánægður bæði með varnar- og sóknarleikinn."
Ten Hag var spurður út í frammistöðu Alejandro Garnacho og Marcus Rashford. Garnacho átti góðan leik í dag þar sem hann fiskaði báðar vítaspyrnurnar sem Man Utd skoraði úr. Bruno Fernandes skoraði úr fyrri spyrnunni og Rashford úr seinni.
„Alejandro er að sýna miklar framfarir og við erum mjög ánægðir með hann. Hans framlag skipti sköpum í dag, hann átti frábæra spretti bæði með og án boltans. Marcus var líka góður og það var gott fyrir hann að skora úr vítaspyrnunni. Marcus er mikilvægur fyrir okkur þegar honum líður vel, hann er stöðug ógn."
Rauðu djöflarnir eru í sjötta sæti ensku úrvalsdeildarinnar, átta stigum frá meistaradeildarsæti.
„Þetta var mikilvægur sigur fyrir okkur. Það er mikið af leikjum eftir og það er mikilvægt fyrir okkur að halda áfram að sigra til að halda pressu á næstu lið fyrir ofan okkur. Við sjáum til hvað gerist á lokasprettinum."
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 34 | 24 | 5 | 5 | 82 | 26 | +56 | 77 |
2 | Man City | 33 | 23 | 7 | 3 | 80 | 32 | +48 | 76 |
3 | Liverpool | 34 | 22 | 8 | 4 | 75 | 34 | +41 | 74 |
4 | Aston Villa | 34 | 20 | 6 | 8 | 71 | 50 | +21 | 66 |
5 | Tottenham | 32 | 18 | 6 | 8 | 65 | 49 | +16 | 60 |
6 | Man Utd | 33 | 16 | 5 | 12 | 51 | 50 | +1 | 53 |
7 | Newcastle | 33 | 15 | 5 | 13 | 69 | 54 | +15 | 50 |
8 | West Ham | 34 | 13 | 9 | 12 | 54 | 63 | -9 | 48 |
9 | Chelsea | 32 | 13 | 8 | 11 | 61 | 57 | +4 | 47 |
10 | Bournemouth | 34 | 12 | 9 | 13 | 49 | 60 | -11 | 45 |
11 | Brighton | 33 | 11 | 11 | 11 | 52 | 54 | -2 | 44 |
12 | Wolves | 34 | 12 | 7 | 15 | 46 | 54 | -8 | 43 |
13 | Fulham | 34 | 12 | 6 | 16 | 50 | 54 | -4 | 42 |
14 | Crystal Palace | 34 | 10 | 9 | 15 | 44 | 56 | -12 | 39 |
15 | Brentford | 34 | 9 | 8 | 17 | 52 | 59 | -7 | 35 |
16 | Everton | 34 | 11 | 8 | 15 | 36 | 48 | -12 | 33 |
17 | Nott. Forest | 34 | 7 | 9 | 18 | 42 | 60 | -18 | 26 |
18 | Luton | 34 | 6 | 7 | 21 | 47 | 75 | -28 | 25 |
19 | Burnley | 34 | 5 | 8 | 21 | 37 | 69 | -32 | 23 |
20 | Sheffield Utd | 34 | 3 | 7 | 24 | 33 | 92 | -59 | 16 |
Athugasemdir