Trent Alexander-Arnold kom inn í byrjunarlið enska landsliðsins fyrir leikinn gegn Sviss í dag.
Hann lék allar 120 mínúturnar er England vann Sviss í vítaspyrnukeppni í leiknum um þriðja sætið í Þjóðadeildinni. Alexander-Arnold, sem er tvítugur, var að leika sinn sjötta A-landsleik fyrir England.
Hann hefur slegið í gegn með Liverpool og spilaði stórt hlutverk er liðið vann Meistaradeildina á nýliðnu tímabili.
Fyrrum enski landsliðsmaðurinn Gary Lineker var mjög hrifinn af frammistöðu Alexander-Arnold í dag.
„Þegar ég sé Alexander-Arnold spila þá er hann nánast alltaf bestur á vellinum. Hann var bestur í dag, langbestur. Þvílíkir hæfileikar sem hann er með," skrifaði Lineker á Twitter.
Þess má geta að Alexander-Arnold var einnig valinn maður leiksins af Sky Sports.
Sjá einnig:
Sjáðu þegar Pickford skoraði af miklu öryggi í vítakeppninni
Every time I see @trentaa98 play he’s pretty much the best player on the pitch. Same again today, by a distance. What a thrilling talent.
— Gary Lineker (@GaryLineker) June 9, 2019
Athugasemdir