Albert á æfingu með íslenska landsliðinu.
Albert Guðmundsson var í byrjunarliði AZ Alkmaar að venju þegar liðið bar sigur úr býtum gegn Sparta Rotterdam í hollensku úrvalsdeildinni í dag.
Albert hefur verið að standa sig vel með AZ og er búinn að eiga fast sæti í byrjunarliðinu undanfarnar vikur.
Hann byrjaði í dag og spilaði klukkutíma í þægilegum 2-0 sigri AZ á heimavelli.
Jordy Clasie, fyrrum leikmaður Southampton, kom AZ yfir eftir 13 mínútur og Dani de Wit gerði seinna markið á 66. mínútu eftir undirbúning frá Jesper Karlsson.
AZ hefur unnið fjóra leiki í röð og er í öðru sæti hollensku deildarinnar með 61 stig.
Athugasemdir
