Everton er búið að vinna tvo leiki í röð og er um miðja deild, með 12 stig eftir 8 umferðir.

„Persónulega þá er ég að vonast eftir því að berjast um Meistaradeildarsæti. Ég er jákvæður náungi og trúi því innilega að við séum á leið í rétta átt," sagði Walcott við sjónvarpsstöð Everton.

„Það er kannski full bjartsýnt að vilja enda í efstu fjórum sætunum, en ég tel okkur eiga góða möguleika á að enda meðal efstu sex."

Everton á næst heimaleik við Crystal Palace eftir landsleikjahlé og gætu Andre Gomes og Yerry Mina verið orðnir klárir í slaginn eftir að hafa þurft að glíma við meiðsli að undanförnu.