Það var enginn Neymar í liði PSG í kvöld og hinn 22 ára gamli Mbappe tók því málin bara í sínar eigin hendur. Hann skoraði þrennu fyrir PSG í leiknum og var frábær.

Joe Cole, fyrrum landsliðsmaður Englands, var stórorður í garð Mbappe eftir leikinn. „Hann er besti leikmaður í heimi," sagði Cole á BT Sport.

Cristiano Ronaldo og Lionel Messi hafa deilt því að vera bestu fótboltamenn veraldar síðustu 10-15 árin en núna fer það að breytast þar sem þeir eru orðnir eldri. Mbappe er klárlega á meðal bestu leikmanna í heimi í augnablikinu en hvort hann sé bestur akkúrat núna, það er umdeilanlegt.