Tom Davies er miðjumaður sem Everton bindur miklar vonir við fyrir framtíðina. Davies er tvítugur og hefur leikið tæplega 70 leiki fyrir Everton í ensku úrvalsdeildinni.
Fyrr á þessu tímabili varð Davies yngsti fyrirliði í sögu Everton.
Fyrr á þessu tímabili varð Davies yngsti fyrirliði í sögu Everton.
Hann er í viðtali á heimasíðu Everton í dag þar sem hann segist vera læra mikið á því að spila með Andre Gomes og Gylfa Þór Sigurðssyni.
„Andre er leikmaður með mikil gæði. Það er gott að hafa hann í liðinu og það sama má segja um Gylfa," sagði Davies.
„Þeir eru báðir mjög góðir á boltanum og stórkostlegir tæknilega. Ég reyni að læra af þeim til að bæta minn leik."
„Gylfi hefur lengi staðið sig vel í ensku úrvalsdeildinni og Andre var hjá Barcelona og spilaði mikið í spænsku úrvalsdeildinni. Ég gæt lært mikið af þeim."
Athugasemdir