Það hefur lítið gengið hjá Manchester City í síðustu leikjum liðsins í Meistaradeildinni.
Manchester City tapaði á heimavelli í kvöld gegn franska liðinu Lyon.
Franska liðið komst yfir á 26. mínútu eftir skelfileg mistök Fabian Delph, sem lék í vinstri bakverði.
Nabil Fekir, sem var sterklega orðaður við Liverpool í sumar, bætti við marki fyrir hálfleik og staðan Lyon mjög góð. Bernardo Silva minnkaði muninn fyrir City um miðjan seinni hálfleik en lengra komst City-liðið ekki.
Þetta er fjórða tap Manchester City í Meistaradeildinni í röð. Liðið tapaði tvisvar fyrir Liverpool á síðustu leiktíð og gegn Basel í 16-liða úrslitunum á heimavelli. Man City, sem er ríkjandi Englandsmeistari, er fyrsta enska liðið í sögunni sem tapar fjórum leikjum í röð í Meistaradeildinni.
4 - Manchester City are the first English team to lose four consecutive Champions League matches in the competition's history. Surprising. pic.twitter.com/of1x71hxC3
— OptaJoe (@OptaJoe) September 19, 2018
Athugasemdir