Scott Parker tók við Fulham til bráðabirgða í lok febrúar eftir að Claudio Ranieri var rekinn.
Það er nú þegar ljóst að Fulham mun leika í Championship deildinni á næsta tímabili þar sem þeir eru fallnir úr úrvalsdeildinni.
Parker er áhugasamur um að taka við liðinu til frambúðar.
„Þetta er í vinnslu og það eru viðræður í gangi," sagði Parker.
„Við erum að ræða um næstu skref og næsta tímabil. Þessi leikmannahópur er kominn með reynslu í úrvalsdeildinni og við viljum komast hingað sem fyrst aftur," sagði Parker eftir 0-1 sigur Fulham á Bournemouth í gær.
Athugasemdir