Viðar Örn Kjartansson skoraði seinna mark Íslands þegar liðið lagði Andorra að velli í fyrsta leik undankeppni EM 2020. Ísland vann leikinn 2-0.
Þetta var fyrsta mark Viðars í keppnisleik með íslenska landsliðinu.
Þetta var fyrsta mark Viðars í keppnisleik með íslenska landsliðinu.
Hann beindi fagni sínu að félaga sínum, Kjartani Henry Finnbogasyni. Kjartan Henry hefur látið í sér heyra á Twitter að undanförnu eftir að Viðar var valinn í landsliðið að nýju. Viðar hafði tilkynnt að hann væri hættur í landsliðinu, en kom aftur til baka.
Viðar sagði í viðtali við Fótbolta.net í kvöld að um grín á milli félaga væri að ræða.
„Grín á móti gríni. Við erum að vinna með það. Menn eru alltaf að grínast í þessu. Ég og Kjarri erum góðir vinir og ég lokaði hringnum," sagði Viðar.
Kjartan Henry fór svo á Twitter og sagði fólki að slaka á. Hér að neðan er tíst hans.
Slakiði á, ég kveikti bara aðeins í stórvini mínum @Vidarkjartans . Toppmaður og geggjað slútt. Smá banter á milli vina, og allt fer á hliðina😂 Hann hætti samt við að hætta við 🤷♂️ #sigtasalta
— Kjartan Henry (@kjahfin) March 22, 2019
Athugasemdir