Rúnar og Guðlaugur Victor fyrirliðar í Sviss
Rúnar Már Sigurjónsson var fyrirliði í dag.
Svissneska úrvalsdeildin er hafin að nýju og voru íslensku leikmennirnir í deildinni í eldlínunni í dag.
Guðlaugur Victor Pálsson og Rúnar Már Sigurjónsson eru að spila í deildinni, Victor með bikarmeisturum Zürich og Rúnar Már með Grasshoppers.
Rúnar var á láni hjá St. Gallen seinni hluta tímabilsins í fyrra þar sem hann var ekki inn í myndinni hjá Murat Yakin, þáverandi þjálfara liðsins. Nýr þjálfari liðsins, Þjóðverjinn Thorsten Fink, virðist vera hrifnari af Rúnari Má því Rúnar var með fyrirliðabandið hjá Grasshopper í dag.
Grasshopper spilaði við meistarana í Young Boys og þurftu Rúnar og félagar að sætta sig við 2-0 tap. Grasshopper missti mann af velli með rautt spjald í upphafi fyrri hálfleiks, í stöðunni 0-0 og það kostaði liðið.
Rúnar Már spilaði allan leikinn, líkt og Guðlaugur Victor gerði fyrir Zürich í 2-1 sigri á Thun. Guðlaugur Victor er fyrirliði Zürich.
Rúnar Már Sigurjónsson & Victor Pálsson are Captains of the two Zurich clubs. Impressive 🇮🇸👊 #TeamTotalFootball pic.twitter.com/ej1GdLudKZ
— Total Football (@totalfl) July 22, 2018
Athugasemdir
