Þýskaland vann Frakkland, 2-0, er liðin mættust í vináttuleik í Lyon í Frakklandi í kvöld.
Þjóðverjar voru ekki lengi að taka forystuna. Toni Kroos, sem var að spila sinn fyrsta landsleik í þrjú ár, lagði boltann á Florian Wirtz sem hamraði boltanum í netið eftir aðeins sjö sekúndur.
Frakkar náðu að koma sér inn í leikinn með nokkrum ágætum tilraunum frá Kylian Mbappe og Adrien Rabiot, en þeim tókst ekki að koma boltanum framhjá Marc-andre ter Stegen í markinu.
Þjóðverjar tvöfölduðu forystuna snemma í þeim síðari eftir að Kai Havertz stýrði sendingu Jamal Musiala í netið.
Sigur Þýskaland hefði líklega getað orðið stærri ef ekki hefði verið fyrir Bryce Samba í marki Frakka. Sá varði vel í þeim síðari og kom í veg fyrir niðurlægingu.
Króatía gerði á meðan markalaust jafntefli við Túnis í Kairó í Egyptalandi. Ákveðið var að hafa vítaspyrnukeppni eftir leikinn og þar höfðu Króatar betur, 5-4.
Athugasemdir