Sterling skoraði þrennu í 5-1 sigri gegn Atalanta í gærkvöldi og hrósaði Ferdinand honum í hástert að leikslokum.

„Hann er klárlega meðal fimm bestu leikmanna heims í dag. Hann hefur gríðarlega mikil áhrif á leiki og er að raða inn mörkunum. Það verður að telja hann til bestu leikmanna heims," sagði Ferdinand í sjónvarpsveri BT Sport.

„Að mínu mati er hann besti leikmaður ensku úrvalsdeildarinnar."

Sterling verður 25 ára í desember og er búinn að skora 12 mörk í 13 leikjum á tímabilinu. Í fyrra gerði hann 25 mörk í 51 leik og þar áður skoraði hann 23 mörk í 46 leikjum.