Karólína Lea Vilhjálmsdóttir og stöllur hennar í Bayer Leverkusen gerðu markalaust jafntefli við Essen í þýsku deildinni í dag.
Leverkusen var með öll völd á leiknum en náði ekki að nýta sér yfirburði sína.
Karólína var eins og venjulega í byrjunarliði Leverkusen og spilaði allan leikinn.
Leverkusen er í 5. sæti með 25 stig, tveimur meira en Essen.
Ingibjörg Sigurðardóttir lék þá allan leikinn í vörn Duisburg sem tapaði fyrir Leipzig, 3-0, í dag. Duisburg er á botninum með aðeins 4 stig.
Þórdís Elva Ágústsdóttir kom inn af bekknum í 6-1 stórsigri Växjö á Lidköping í riðlakeppni sænska bikarsins. Bryndís Arna Níelsdóttir var ekki með Växjö í dag.
Bergþóra Sól Ásmundsdóttir, Áslaug Dóra Sigubjörnsdóttir og Katla María Þórðardóttir byrjuðu allar í 5-2 tapi Örebro gegn Hammarby. Örebro og Växjö eru bæði úr leik í bikarnum.
Athugasemdir