Maguire spilaði í 1-0 tapi Englands gegn Brasilíu um helgina, en hann verður ekki með í seinni leiknum gegn Belgíu sem fer fram á þriðjudag.

Hann, Kyle Walker og Sam Johnstone yfirgáfu allir enska landsliðshópinn í dag og fóru aftur til félaga sinna til að huga að meiðslum sínum.

Fabrizio Romano segir á X að meiðsli Maguire eru smávægileg en hann mun fara í myndatöku á næstu dögum.

Maguire hefur verið fastamaður í vörn United á tímabilinu en vonast er til þess að hann verði klár í leik liðsins gegn Brentford næstu helgi, í versta falli gegn Chelsea þann 5. apríl.