Vængir Júpiters og KR vildu að leikurinn yrði færður á heimavöll KR en það er ekki leyfilegt samkvæmt reglugerð KSÍ.
„Óþolandi að þurfa spila hér inni. Sérstaklega þar sem bæði félög óskuðu eftir því að leikið yrði á KR-velli. Það má víst ekki samkvæmt einhverjum reglum," sagði Rúnar Kristinsson, þjálfari KR, í viðtali sem vakti mikla athygli í gær.
KR vann 8-1 sigur á Vængjum Júpiters í Mjólkurbikarnum en Rúnar var allt annað en sáttur við að leikurinn færi fram í Egilshöll.
Samkvæmt reglum KSÍ um bikarkeppnina skal það lið sem dregst á undan leika á heimavelli. Ekki er leyfilegt að færa leiki yfir á heimavelli þeirra liða sem dragast á útivelli.
Mótanefnd getur þó veitt leyfi til að leikið sé á hlutlausum velli í sérstökum tilfellum. Hefðu félögin sótt um að leika á einhverjum hlutlausum velli hefði leyfi væntanlega verið veitt. Gervigrasið í Egilshöll hefur fengið mikla gagnrýni og er ekki vottað af FIFA.
KR vann 8-1 sigur á Vængjum Júpiters í Mjólkurbikarnum en Rúnar var allt annað en sáttur við að leikurinn færi fram í Egilshöll.
Samkvæmt reglum KSÍ um bikarkeppnina skal það lið sem dregst á undan leika á heimavelli. Ekki er leyfilegt að færa leiki yfir á heimavelli þeirra liða sem dragast á útivelli.
Mótanefnd getur þó veitt leyfi til að leikið sé á hlutlausum velli í sérstökum tilfellum. Hefðu félögin sótt um að leika á einhverjum hlutlausum velli hefði leyfi væntanlega verið veitt. Gervigrasið í Egilshöll hefur fengið mikla gagnrýni og er ekki vottað af FIFA.
Rúnar ósáttur með KSÍ
Snemma á þessu ári myndaðist talsverð umræða um gæðin á gervigrasinu í Egilshöll. Rúnar og Arnar Gunnlaugsson töluðu meðal annars um meiðslahættu og lélega umhirðu í viðtali við Fréttablaðið.
Úrslitaleikur Reykjavíkurmótsins í ár var síðan færður úr Egilshöllinni og yfir á heimavöll Vals.
Emil Ásmundsson, sem gekk í raðir KR frá Fylki eftir síðasta tímabil, meiddist í Egilshöllinni í upphafi árs og verður ekkert með í sumar. Í leiknum í gær meiddist svo annar KR-ingur, Gunnar Þór Gunnarsson, og líklegt er að ferli hans sé lokið.
„Nú er ég ekki að álasa Vængjum Júpíters á einn eða neinn hátt heldur knattspyrnusambandinu. Það er óboðlegt að spila hér inni í 32-liða úrslitum á þessu gervigrasi. Annar leikmaðurinn minn á þessu ári sem eyðileggur á sér hnéð. Þetta er alltof dýrt," sagði Rúnar í viðtalinu en hægt er að horfa á það í heild sinni hér að neðan:
Minni á þetta. Vona að Gunni Þór nái skjótum bata. Verndum leikmennina okkar. #fotbolti #fotboltinet https://t.co/y8pFU8e9Mv
— Elias Njardarson (@eliasnjardar) June 24, 2020
Gervigrasi er fínt, serataklega blautt, en gervigras innandyra er hræðilegt. Sorglegar fréttir af Gunna danska. Það þytfi einhver að taka saman alvarleg meiðsl sem rekja má til vallaraðstæðna í Egilahöll vs á gervigrasi utanhúss
— Einar Gudnason (@EinarGudna) June 23, 2020
Athugasemdir