„Við erum mjög ánægð með það að Sandra verði áfram hluti af okkar liði," segir þjálfari liðsins, Achim Feifel.

Sandra María er 25 ára gömul og uppalin í Þór/KA þar sem hún hefur leikið stærstan hluta ferilsins. Árið 2016 fór hún á láni til Þýskalands, til Bayer Leverkusen og í fyrra gekk hún svo í raðir félagsins.

Samningur hennar átti að renna út eftir núverandi tímabil, en hún verður áfram í Þýskalandi.

Það er ein umferð eftir í úrvalsdeild kvenna í Þýskalandi, en Sandra María og stöllur hennar eru svo gott sem búnar að halda sér uppi.

Sjá einnig:
Sandra María: Eins og að taka fimm kíló af hvorri öxl