Það er búið að reka þýska knattspyrnustjórann Peter Hyballa úr starfi í annað sinn á þremur mánuðum.
Hann var rekinn frá danska félaginu Esbjerg síðasta sumar. Þar var hann harðlega gagnrýndur af eigin leikmönnum. Leikmennirnir sendu frá sér sláandi bréf til fjölmiðla þar sem kvartað var undan refsingum hans, nektarmyndum, hótunum og níði.
Hann fékk annað starf undir lok september þegar hann gerðist þjálfari Türkgücü Munich í Þýskalandi.
Það hefur gengið illa að undanförnu og eftir síðasta leik var hann spurður hvort hann ætti framtíð hjá félaginu. „Ég veit það ekki og mér er alveg sama," sagði Hyballa.
Þessi 45 ára gamli þjálfari var svo rekinn og er núna aftur atvinnulaus.
Athugasemdir