Grótta 3 - 0 Vestri
1-0 Tareq Shihab
2-0 Grímur Ingi Jakobsson
3-0 Grímur Ingi Jakobsson
1-0 Tareq Shihab
2-0 Grímur Ingi Jakobsson
3-0 Grímur Ingi Jakobsson
Grótta vann þægilegan sigur á Vestra í leik sem fór fram í Lengjubikarnum í dag. Þetta var frestaður leikur í riðli eitt í A-deild karla en hann fór fram á Seltjarnarnesi.
Eiður Aron Sigurbjörnsson, sem samdi við Vestra í gær, byrjaði inn á og spilaði sinn fyrsta leik fyrir sitt nýja félag.
Eiður fékk enga óskabyrjun þar sem Grótta lék á als oddi í fyrri hálfleiknum og leiddi að honum loknum 3-0. Grímur Ingi Jakobsson gerði tvö mörk eftir að Tareq Shihab hafði komið Gróttu á bragðið.
Fleiri urðu mörkin ekki og lokatölur 3-0 fyrir Gróttu í þessum leik en Grótta leikur í Lengjudeildinni í sumar á meðan Vestri verður í Bestu deildinni.
Grótta endar fyrir ofan Vestra í fimmta sæti riðilsins; Grótta með þrjú stig og Vestri með tvö stig.
Athugasemdir