Heimild: Aftonbladet
Framherjinn Kolbeinn Sigþórsson hefur misst af síðustu fjórum leikjum AIK vegna meiðsla.
Kolbeinn er búinn að leika 25 mínútur í búningi AIK en hann samdi við félagið í lok mars. Hann var búinn að vera að vinna í því að koma sér í gott stand áður en hann meiddist.
Kolbeinn hefur verið mjög meiðslahráður undanfarin ár og lítið spilað.
AIK gerði 1-1 jafntefli við Sundsvall í gær en í aðdraganda leiksins sagði Rikard Norling, þjálfari AIK, að það yrði vonandi ekki langt í það að Kolbeinn myndi snúa aftur.
„Hann er ekki alveg tilbúinn. Við sjáum hvernig hann verður í næstu viku. Það eru ekki einhverjir mánuðir í hann," sagði Norling fyrir leikinn gegn Sundsvall.
AIK er í öðru sæti sænsku úrvalsdeildarinnar með 21 stig eftir 11 leiki. Liðið er ríkjandi meistari í Svíþjóð.
Kolbeinn þarf að fara að spila ef hann ætlar að taka þátt í næstu landsleikjum Íslands. Þeir leikir eru gegn Albaníu og Tyrklandi á heimavelli í næsta mánuði. Leikirnir eru gríðarlega mikilvægir fyrir Ísland í undankeppni EM.
Athugasemdir