Heimamenn í Fulham voru við algjöra stjórn og virtist aðeins eitt lið vera á vellinum. Staðan var þó markalaus í hálfleik.

Joe Bryan breytti því í upphafi síðari hálfleiks og innsiglaði Tom Cairney sigurinn með marki undir lokin.

Fulham er því komið með fimmtán stig eftir níu umferðir.

Fulham 2 - 0 Wigan
1-0 Joe Bryan ('47)
2-0 Tom Cairney ('83)

Slæmt gengi Stoke City hélt þá áfram er liðið tapaði fyrir Nottingham Forest á heimavelli.

Heimamenn í Stoke voru mun betri í leiknum en leyfðu gestunum þó að skora þrjú mörk og taka stigin með sér heim.

Lee Gregory kom Stoke yfir snemma leiks og jafnaði Joe Lolley fyrir leikhlé.

Sammy Ameobi og Lewis Grabban skoruðu í seinni hálfleik og tókst heimamönnum ekki að svara fyrr en undir lokin, þegar James McClean minnkaði muninn á 85. mínútu.

Stoke er aðeins með tvö stig eftir níu fyrstu leiki tímabilsins. Þetta var hins vegar þriðji sigur Nottingham í röð og er liðið komið á topp deildarinnar.

Stoke 2 - 3 Nottingham
1-0 Lee Gregory ('10)
1-1 Joe Lolley ('36)
1-2 Sammy Ameobi ('48)
1-3 Lewis Grabban ('61)
2-3 James McClean ('85)