Knattspyrnufélagið Fram er stórhuga fyrir komandi leiktíð í Inkasso-deildinni en sóknarmaðurinn Þórir Guðjónsson er á leið til félagsins samkvæmt öruggum heimildum Fótbolta.net.
Þórir er uppalinn í Fram en samdi við Val sumarið 2009. Hann hefur spilað fyrir Val, Leikni R, Fjölni og nú síðast Breiðablik en er nú á heimleið.
Þórir á 172 leiki og 47 mörk að baki í deild- og bikar með þessum félögum.
Hann hefur verið í viðræðum við Fram síðustu daga og má búast við því að hann verði þriðji leikmaðurinn sem kemur til félagsins fyrir tímabilið á eftir Alexander Má Þorlákssyni sem kom frá KF á dögunum og Ólafi Íshólm Ólafssyni sem kom frá Breiðabliki.
Fram hafnaði í 7. sæti Inkasso-deildarinnar á síðasta tímabili með 33 stig.
Athugasemdir