Klár í að spila 95 mínútur
Sara Björk Gunnarsdóttir á æfingu í vikunni.
„Ég get spilað 95 mínútur plús," sagði Sara Björk Gunnarssondóttir landsliðsfyrirliði á fréttamannafundi í dag fyrir stórleikinn gegn Þýskalandi á morgun.
Sara er kominn á fulla ferð eftir að hafa meiðst í úrslitaleik Meistaradeildarinnar í maí. Ísland vann Þýskaland 3-2 í fyrra og getur með sigri á morgun tryggt sér sæti á HM í fyrsta skipti.
Þýskaland hefur verið eitt besta lið í heimi í áraraðir og ljóst er að þær þýsku koma grimmar til leiks á morgun eftir tapið í fyrra.
Sara er kominn á fulla ferð eftir að hafa meiðst í úrslitaleik Meistaradeildarinnar í maí. Ísland vann Þýskaland 3-2 í fyrra og getur með sigri á morgun tryggt sér sæti á HM í fyrsta skipti.
Þýskaland hefur verið eitt besta lið í heimi í áraraðir og ljóst er að þær þýsku koma grimmar til leiks á morgun eftir tapið í fyrra.
„Ég held að leikurinn verði klárlega erfiður. Við spiluðum frábærlega úti og hefðum verið ánægðar með eitt stig þar en við náðum í þrjú stig og áttum þau fylilega skilið."
„Þjóðverjarnir eiga eftir að koma kolbrjálaðir út á völl á morgun og ég býst við erfiðum leik og örugglega erfiðari leik en í Wiesbaden (í fyrra). Það mótíverar okkur bara. Við vitum að þær koma 100% í leikinn en við verðum 120%."
Ekki mikið sagt hjá Wolfsburg eftir fyrri leikinn
Sara spilar með Wolfsburg í Þýskalandi og segir að það yrði gaman að tryggja HM sætið á morgun og láta þýska liðsfélaga sína fara í umspil.
„Það kitlar svolítið. Það væri mjög skemmtilegt. Eftir fyrri leikinn var ekki mikið sagt. Það var mjög hljótt í búningsklefanum. Við skulum bíða með allar yfirlýsingar og tölum saman eftir leikinn á morgun," sagði Sara en hún hefur lítið rætt leikinn við liðsfélaga sína.
„Við höfum ekki rætt þetta voða mikið. Þær hafa spurt hvernig veðráttan hefur verið og meira á léttu nótunum. Við erum ekki að segja of mikið," sagði Sara sem er ánægð með spennustigið í liðinu fyrir leikinn á morgun.
„Við höfum verið mjög rólegar og spennustigið er gott. Það er mikil einbeiting í liðinu og það er jákvætt,"
Athugasemdir
