Ari Freyr Skúlason.
„Þetta er súrt, en við eigum einn leik eftir og verðum að gera okkur klára fyrir þessa umspilsleiki í mars," sagði Ari Freyr Skúlason eftir markalaust jafntefli gegn Tyrklandi.
Lestu um leikinn: Tyrkland 0 - 0 Ísland
Ljóst er núna að Ísland fer ekki á EM í gegnum riðilinn. Við þurfum að treysta á Þjóðadeildaumspil sem fram fer í mars.
„Mér fannst við tækla þennan leik fínt. Við hefðum kannski getað sótt aðeins meira á þá undir lokin, en það er ástæða fyrir því að þeir eru bara búnir að tapa á móti okkur taka fjögur stig á móti Frökkum."
„Maður þarf að hafa heppnina með sér líka. Við misstigum okkur á móti Albaníu, töpuðum einu stigi gegn Frökkum. Þetta er búið að vera upp og niður, en við eigum samt að vera stoltir og við ætlum að enda þetta almennilega."
Að lokum sagði Ari: „Það er orðinn vani hjá fólki að við séum í toppbaráttu, en þetta er frábær hópur og frábært lið. Vonandi koma fleiri og fleiri ungir leikmenn upp, og við getum haldið þessu áfram næstu árin."
Viðtalið er í heild sinni hér að ofan.
Athugasemdir
