Hjörtur Hermannsson og félagar í Bröndby gerðu jafntefli við Odense í danska boltanum í dag.
Heimamenn í Bröndby komust yfir á lokakafla leiksins en gestirnir voru snöggir að jafna.
Hjörtur lék allan leikinn og er Bröndby um miðja deild, með 18 stig eftir 13 umferðir.
Í Svíþjóð kom Kristján Flóki Finnbogason inná í hálfleik er Brommapojkarna fékk Gautaborg í heimsókn.
Heimamenn lentu undir í fyrri hálfleik og tókst Kristjáni Flóka ekki að skora í þeim síðari, heldur tvöfölduðu gestirnir forystuna og gerðu út um leikinn.
Brommapojkarna er sex stigum frá öruggu sæti í sænsku deildinni þegar fjórar umferðir eru eftir.
Þá var Viktor Karl Einarsson í byrjunarliði Värnamo sem lagði Gefle að velli eftir að hafa lent undir.
Viktor spilaði fyrstu 73 mínúturnar í sigrinum mikilvæga. Värnamo var á botninum þegar Viktor gekk til liðs við félagið. Liðið hefur fengið 24 stig úr 12 leikjum frá komu Viktors og virðist vera að bjarga sér frá falli úr sænsku B-deildinni.
Þá vann Elazigspor sinn annan leik á tímabilinu er liðið heimsótti Adana Demirspor í tyrknesku B-deildinni. Theódór Elmar Bjarnason er í leikbanni og var því ekki með. Elmar hefur spilað alla leiki Elazigspor á tímabilinu nema sigurleikina tvo.
Bröndby 1 - 1 Odense
1-0 H. Mukhtar ('82)
1-1 R. Leeuwin ('85)
Brommapojkarna 0 - 2 Göteborg
0-1 S. Ohlsson ('25)
0-2 V. Wernersson ('59)
Värnamo 3 - 2 Gefle
1-0 P. Cederqvist ('4)
1-1 A. Bajrovic ('16)
2-1 R. Wiedesheim-Paul ('35)
2-2 A. Bergmark-Wiberg ('55)
3-2 S. Doutie ('83)
Adana Demirspor 0 - 1 Elazigspor
0-1 A. Tatos ('44)
Athugasemdir