KA fór til Grindavíkur í kvöld og vann gríðarlega mikilvægan 2-1 sigur þar sem Ýmir Már Geirsson kom inná og skoraði sigurmarkið á 92.mínútu með sínu fyrsta marki í efstu deild. Ýmir var í skýjunum og sagði þetta einfaldlega draumur og mjög sætur sigur í jöfnum leik.
Lestu um leikinn: Grindavík 1 - 2 KA
„Þetta var algjör draumur. Liðið er búið að spila mjög vel undanfarna leiki, búnir að vera þéttir og fá aðeins á okkur eitt mark í síðustu þrem leikjum. Þetta var mjög sætt eftir að hafði verið tekið mark af okkur."
Aðspurður hvort hann hefði ekki þaggað niður í þeim sem segja KA vanta sóknarmann svaraði Ýmir mjög hógvær en sagðist þó eiga skilið að byrja næsta leik.
„Ég veit það ekki, við verðum bara að sjá til. Það er eins gott að ég spili næsta leik eftir sigurmark í dag."
Athugasemdir